1 – Airerik ederrenetan,

Dugun orok betan,

Kanta Jesusen sortzea,

Haren zerutik jaustea,

Etorri da gure gana,

Oi zer zoriona.

 

2 – Zeruko aingerueri

Eta saindueri

Junta tzagun gure bozak

Bai eta gure bihotzak;

Jesusen adoratzerat

Goazen Betlemerat.

 

3 – Utz-kitzue, utz artzainak

Zuen artaldeak

Zuek zaituzte galdetzen

Pobreak tu gonbidatzen

Errege sortu berriak,

Mesias maiteak.

 

4 – Ez bila jauregietan

Ez gazteluetan:

Mañateran da etzana,

Hauxe da umiltasuna

Deraukuna erakusten:

Gure gatik sortzen.

 

5  – Amodioz sustaturik,

Urrikiz beterik,

Dugun egun saindu huntan

Orok gure bihotzean

Errezebi Jesus Jauna

Salbatzaile ona.

 

 

1 – Gu zerurat nahiz altxatu,

   Jesus jausten da lurrerat

   Heldu da gu nahiz salbatu

   Gorputz hilkor bat hartzerat.

 

2 – Gora haren laudorioak

   Behar ditugu kantatu,

   Gora gure bozkarioak

   Behar tugu seinalatu.

 

3 – Ikusgarri mirestekoa.

   Oi hau da umiltasuna.

   Zeru beraz goragokoa,

   Mañateran da emana.

 

4 – Erregen errege delarik

   Ez du nahi distiratu;

   Ez du nahi palaziorik

   Heia txar bat du hautatu.

 

 

1 – Belenen sortu zaiku Jainkoa arratseko gaberdian.

Hotzez daldaraz dago gaixoa lasto piskaren gainean ;

Bero, ahalaz bero dezagun hatsa emanez musuan.

 

2 – Ainitz maite dut nik nere ama, ni sortu ninduelako ;

Baña haurtxo hau maiteago dut ni-gatik jaio delako,

Ta gurutzean gero odola ixuriko duelako.

 

3 – Ordainez hartzu, Jesus haurtxoa, nik daukadan hoberena

Ori bihotza, ori gogoa : hau da naski nai duzuna ;

Agur, haurtxoa, zu zare gaurtik maite nauten maitiena.

 

4 – Zatozte eta lastoan ikus Jainkoa zein den lañoa…

Bihotz bihotzez nola ez maita maite gaituen haurtxoa ?

Gaur amodioz Hari dagola ahuspez mundu osoa.

 

 

1 – Dugun alegrantzietan kanta Jesusen sortzea, 

Gure ahal guzietan ohora Jainko semea.

 

2 – Errepikaz aingeruak entzuten dire kantatzen

Gu ere loriatuak has gaiten Jauna laudatzen.

 

3 – Jesus erregez, artzainez izan da adoratua.

Ah ! gutarik gehienez nola da ezagutua ?

 

4 – Jesus, negu gogorrean, ohetzat duzu lastoa.

Nola beraz plazer-pean dukegu gure gogoa ?

 

5 – Sortzetik apaltasuna darokuzu predikatzen.

Zergatik goratasuna dugu bada guk bilatzen ?

1 – Eguberri, Eguberri : gaitezen alegera.

Jainko bat zaiku etorri guzien salbatzera.

 

2 – Jainko Semea da sortzen gau minaren erditan,

Ama Birjinak du hartzen maiteki besoetan.

 

3 – Ama maitea, zer pena, ez dukezu etxerik.

Ama, zure bihotzmina, ez duzu ohakorik.

 

4 – Haur gaixoa hotzak dago, guzia ikaretan,

Haizea ezti balaio Haurraren fagoretan.

 

5 – Aingeruak dira ari kanta errepiketan :

Loria Jainko Jaunari zerurik gorenetan.

 

6 – Gaiten oro bozkaria Ama Birjinarekin :

Jainkoa da etorria bizi nahiz gurekin.

 

1 – Ez dukezu, o Maria, Haurrarentzat ostatu,

Bera beharko den zeren guzien ihes-leku.

Balakike, nahi balu, berak toki bilatzen.

Apaltasuna daroku hastetik erakusten.

 

2 – Etxola txar bat zitzaion aski izanen zela ;

Gizonekin lasterrenik lagun bat zitekela.

Eta beraz, Artzain ona, huna gure bihotza

Maria duzun bezala dagiozun egoitza.

 

 

1 – Gau erditan Aingeruek

Betbetan dute kantatzen

Eta aldeko mendiek

Baltsan dute ihardesten:

 

Gloria in excelsis Deo.(2)

 

2 – Errazue, artzain onak,

Norentzat besta horiek ?

Nork tu merezitu kantak ?

Zertako kantu horiek ?

 

3 – Horiek dute erraiten

Jesus Haurra dela sortu.

Behar garela Betlemen

Alegrantzietan sartu.

 

4 – Elgar aditurik goazen

Mesiasen ikusterat,

Jesusi gure bihotzen

Eta bozen eskaintzerat.

 

5 – O Jesus Salbatzailea

Orok zaitugu laudatzen.

Jesus gure Erregea

 

1 – Auhenak bara ditzagun:

Hunkitu dute gaur zerua.

Horra nun igortzen daukun

Bake hanbat agindua.

 

2 – Aingeruek gau-erditan

Alegrantziaz derasate

Jainko bat zaikula sortu

Errepiketan diote.

 

3 – Gorputz bat Kreatzaileak

Gurearen pare du hartu.

Azkenean hartan berak

Hilez gaitu gu salbatu.

 

4 – Altxa, goazen artzainekin

Jainko denaren ikustera,

Bihotz kartsu batzuekin

Sehaskan besarkatzera.

 

Jesus maitearen adoratzerat.  (bis)

1 – Aingeruek dute

Han dela erran.

Kristauak, zatozte,

Han da mañateran.

 

2 – Han dago etzana

Heia batean

Zeru luren Jauna

Lasto arruntean.

 

3 – Goazen artzainekin

Haurraren gana,

Ikustera hekin

Troxetan emana.

 

4 – Ahuspez umilki

Dugun adora,

Bihotzez, kartsuki,

Jesus dibinoa.

 

5 – Nahi ditu egun

Gure presentak ;

Eskain diotzogun

Lehenik bihotzak.

 

6 – Bihotz kartsuenak

Ditu prezatzen

Bainan garbienak

Hek ditu hautatzen.

 

 

 

1 – Jaun handiak, ikus-azue

Jainko bat egun nigarrez.

Lastoan den haurño horrez

Ah, ikara zaitezte. (Bis)

 

2 – Zeru-lurren Nagusi dugu :

Aingeruak, erregeak,

Bai eta diren guziak

Beraren peko ditu.  (Bis)

 

3 – Hobengabe, gaixtoendako

Da bera sakrifikatzen.

Huna nun den lurreratzen

Gizonen salbatzeko. (Bis)

 

Alegeratzen duzu bihotzean kristaua. (bis)

 

1 – Mundu guzia duzu zorionez betetzen,

Zeren zuk baitiozu Mesias dela sortzen. (bis)

 

2 – Gau ilunean ez da ikusten iguzkirik,

Huntan agertzen zaiku mirakuiluz ilkirik. (bis)

 

3 – Oi gau desiratua, argia duzu piztu,

Zeinak mundu guzia behar baitu berritu. (bis)

 

4 – Argizariak dire bozkarioz dantzatzen,

Dutela ohi baino gehiago argitzen.    (bis)

 

5 – Aingeru onak berriz hasi dire kantatzen,

Bozterat dituztela tristeak gonbidatzen. (bis)

 

6 – Gauza guziak dire orai alegeratzen,

Orobat egiterat gaituzte erakartzen. (bis)

 

 

1 – Oi Bethleem.

Ala egun zure loriak,

Oi Bethleem.

Ongi baitu distiratzen.

Zu ganik heldu den argiak

Betetzen tu bazter guziak

Oi Bethleem. (bis)

 

2 – Zer ohore.

Ala baitzare goratua.

Zer ohore.

Zer grazia, zer fagore.

Zeruaz zare hautatua,

Jesusen zare sor-lekua,

Zer ohore. (bis)

 

3 – Azkeneko

Hor heldu da Jesus justua

Azkeneko,

Gu dohatsu egiteko.

Hetsi nahi du ifernua,

Guretzat zabaldu zerua

Azkeneko. (bis)

 

4 – Mañateran

Datza haurrik aberatsena

Mañateran.

Nork zuken sekulan erran

Zeru-lurren jabea dena

Ikusiren zela etzana

Mañateran. (bis)

 

Kristo, guziek dezagun egun adora.(bis)

 

1 – Hauxe da izarra agertzen dena:

Berri bat dakarke den handiena,

Jesus maitearen sortzearena.

 

2 – Errege magoak ditu gidatzen,

Jesus haurra gana dire hedatzen;

Presentekin dute han adoratzen.

 

3 – Mirra, itsentsua eta urrea

Ekartzen dautzute, Salbatzailea,

Zuri eskaintzeko present berea.

 

4 – Egun igor-guzu izar gurea,

Aurki dezaguntzat xuxen bidea

Zu ganat heltzeko, gure Jabea.

 

5 – Ni ere argitzen nauzu fedeaz;

Egizu oraino heien xedeaz

Adora zaitzadan neure aldeaz.

 

Egun estrainatu gaitu Haurrak odolaz. (bis)

1 – Urte berri dugu, egun lehena.

Onez berri-guzu bihotz barrena,

Barkatzen duzula gure hobena.

 

2 – Huna hemen orai jaio berria,

Berritzen duena mundu guzia :

Gu salbatzeko du hartu bizia.

 

3 – Jesus, zuk iguzu zure argia,

Betiere gaiten hortaz balia,

Ikus dezaguntzat zure loria.

 

4 – Estraina gaitzazu, Jesus maitea ;

Bake saindu baten dugu galdea ;

Egizu dohatsu gure zortea.

 

 

1 – Hots aingürieki,

Arkanjelieki,

Gaur khantatzera,

Gur ‘ erregiaren,

Jinko Semiaren

Adoratzera.

 

2 – Ez izotza-gatik,

Ez ülhünpe-gatik

Egon herabez.

Har fedia gida,

Jinkoatan fida,

Guatzan lasterrez.

 

3 – Baduatz ‘ artzainak

Arhinik belhainak,

Laster zuin lehen ;

Ikhusi beharrez

Eia sorthü denez

Jesüs Betlemen.

 

4 – Guatzan gü ere,

Bihotzez bedere,

Harpe hartara,

Jinko gizonaren

Jesüs maitiaren

Adoratzera.

 

5 – Harentzat etxerik,

Ez eta oherik,

Ezen khausitü ;

Denen erregia,

Bai Arreroslia,

Ihurk ez hartü.

 

6 – Jesüs barrükian,

Gaiaren erdian,

Sorthü negian ;

Mariak oihalez

Troxatü bertanez,

Etzan lastuan.

 

7 – Zinez düt sinhesten,

Begiez ikhusten

Banü bezala,

Mariren Semia,

Betlemen sorthia,

Jinkua dela.

 

8 – Zelütik jin dena,

hain aphaltû dena,

Altxa dezagün ;

Gük amodiua,

Gük laidoriua,

Eman ditzogün.

 

 

1 – Aspaldian, urrunean,

sortu zen Jainko Semea,

gaur sortzen da gutartean :

zabalik atxik etxea,

zabalik bihotz barnea.

 

2 – Ilunpetan, giltzapetan

Hor zaudeztenak, gaur jeiki.

Horra Jauna bizi huntan :

egin da gizon osoki ;

Munduak hori balaki.

 

3 – Jainko seme gira denak,

Jainkoa gizon hor bait da.

Hartu ditu gure minak :

bihotzez hari josi-ta,

Jainko gaitezen gu gerta.

 

4 – Bihotzetan dugu orai

Eguberriko izarra.

Egin gaitu Kristok anai :

Hura dugu Jaun bakarra,

Hura barneko indarra.

 

 

1 – Zatozte, gauden so Jainko haurñoari

Hoin apal, hoin goxo, loan dagonari.

Gauan sortu da gu zeruratzeko.

 

2 – Harekin betiko Jainko-seme gaiten

Haur ttiki sortzeko, zerutik da jausten :

Gizon egin da gu jainkoztatzeko.

 

3 – Zeru-lur osoak eskainiz bihotzez,

Gauzkion guziak Jesusi ahuspez :

Lastoan dagon haurño eta Jainko.

 

4 – Gurekin da orai zeruko argia

Gurekin zerurat deraman egia :

Denak Jesusi gaur josten gitzaizko.

 

5 – Zatozte guziak bozkaria orai,

Jesus hau baitugu Jainko eta anai :

Zer zaiku orai guri nausituko ?

 

 

1 – Zu bezain apal munduan nor da nor izan ote ?

Gu gizon dohakabeen hazkurri egin arte.

Neurri gabeko bihotza, on guzien betea,

Noiz ote Zu Jauna goza,  gau-egun gaude beha

 

2 – Lur huntan diren gaitzetan,  gurekin zaiku sartzen,

Hak eman karra barnean, minetan poztu gaiten.

Kristo Jaunaren odola, minen sendagailua !

Gu baitan piztu dezala,  sainduek zuten sua.

 

1 – Seme lehena sortu zuen Mariak,  eta xatarrez troxatu.

 

2 – Artzainek aurkitu zuten Maria,  Josep eta haurñoa lastoan etzana.

 

3 – Begiratuz hoik oro Mariak bihotzean  zabilzkan.

 

4 – Aitari, Semeari, Izpirituari, aintza menderen mendetan. Amen.

 

 

1 – Ahal bezala, herri lañoa ilunbean badabila.

Itsu mandoka eta mainguka hor dabila, argi bila.

 

2 – Argi handi bat eki-aldetik jalitzen zaio uroski,

Bozkarioa ta esperantza dariozkala nasaiki.

 

3 – Uztarri pizu, makil ukaldi zahalo zauri, adio

Zapaltzaileen hordagoeri Haur koxkorrak “kanta” dio.

 

4 – Kontseilaria, Jainko azkarra betiko Aita kementsu.

Bakezko juje, mundu gainean sekulakotz, hor zaude zu.