Batetara gaitzala Zuk nahi bezala. (2)

 

1 – “ Bai elgar maita, Nik hiltzeraino

Zuek maitatu bezala.

Nik kurutzean, Nik aldarean

Ixuri dutan odola,

Bihotz barnetan, erresumetan,

Denak bat bilduz doala ! (2)

 

2 – “ Uzten dautzuet nere bakea,

emaiten nere bakea :

Bete dezala mahain sainduan

Guzien bihotz barnea,

Izan dadin bat, munduz mundu bat

Zerurako artaldea. (2)

 

3 – “ Bere bizia bere daukanak

Sekulakotz du galduko,

Bizi guziaz emana dena

Betiere da biziko :

Zuen buruer guziek doi bat

Bertzen maitez egin uko. (2)

 

4 – “ Ni mahats-ondo, zuek aihenak,

Denek bat dugu gorputza.

Nere graziak, nere biziak

Guziak barnez gabiltza.

Mundu guzia batetaratuz

Zabal dadila Eliza. (2)

 

 

1 – Jainko semea gutan baita,

Jainkoa dugu denek Aita.

Gerla bideak utzi eta,

Dugun bihotzez elgar maita.(2)

 

2 – Jesusen bihotz hain zabala,

Gure barnean sar dadila.

Huna Jesusek derraukula:

«Oi elgar maita Nik bezala».(2)

 

3 – Mahain sainduko janariak,

Noiz nahi gare gu haziak.

Jainkoa bera den Ogiak,

Egiten gaitu bat guziak.(2)

 

4 – Bihotz guziaz dugun barka

Eta etsaiak bai… besarka.

Amodioan gaiten finka

Eta zerurat hel osteka.(2

 

1 – Girixtinoak ainitz herritan

Elgarren etsai dabiltza :

Zatitan dago eta zauritan

Jesus Jaunaren Gorputza.

 

 

2 – Aitari berritz hel-araz beza

Jesusek bere otoitza,

Gizon guzien zeruratzaile

Bat izan dadin Eliza.

 

3 – Ama-bihotzak seme bakotxa

Bihotz guziaz maite du :

Jesusek ere odol guziaz

Bakotxa gaitu maitatu.

 

4 – Girixtinoak Jesus Jaunaren

Manuaz orroit ditela :

“ Maita zazue guziek elgar,

Nik zuek maite bezala ”.

 

5 – Huntarik dute jendek jakinen

Girixtinoak zarezten :

Zuen anaiak baditutzue

Jasaiten eta maitatzen.

 

6 – Eskual-Herrian, eskual-etxetan

Bat izan gaiten guziak :

Mundu guzirat ditezen heda

Batasunezko graziak.

 

 

1 – Elgarren ogi zu zaitugu zu :

bihotzez dugun bat egin.

Munduak orai dei egiten du :

Maitasun gosez hain du min.

Entzun bai, Jauna, gure baitan sar,

dezagun maita zurekin :

Munduak orai dei egiten du :

Maitasun gosez hain du min.

 

2 – Fedean azkar xut gabiltzan gaur,

gu baitan eman zuk indar.

Lurreko gaitzek ez gaitzaten gal,

beharko dugu ainitz kar.

Zu lagun, Jauna, gu norat ez joan,

maitatuz bai zu, bai elgar.

Lurreko gaitzek ez gaitzaten gal,

beharko dugu ainitz kar.

 

3 – Kristoren baitan gu begira bat :

zerutik beha zuk, Aita.

Hegalen perat bil gaitzazu bil,

gaizkien traba kendu-ta.

Guziek anai, pitz dezagun su,

bai eta herra ezezta.

Hegalen perat bil gaitzazu bil,

gaizkien traba kendu-ta.

 

 

1 – Fededunek biltzarre egin dugu egun

Denen anaitasuna dugula ezagun ;

Orori Aita mintzo haurrek dute entzun

Gaur hemen adituak balia ditzagun.

 

2 – Hunarat etorririk gure on-gaitzekin

Jainkoa zoin den ona bakotxak du jakin.

On hortan nahi gaitu denak bildu berdin

Kantuak esker onez ditzogula egin.

 

3 – Girixtino bat ez da bizi berez bere

Otoitzean haurride ta lanean ere ;

Jaunaren etxerako bada ainitz bide

Gu beti ibil gaiten zorion-emaile.

 

4 – Guretzat goregi da zeruan izarra,

Bainan harat heltzen da Kristoren oldarra.

Harturik Mahain huntan zeru-jan azkarra

Lurrean has dezagun : Betiko Biltzarra.

 

En marchant vers Toi, Seigneur

 

1 – Ogi hau hartu eta

Nundik ez elgar maita ?

Bai ogi, bai sineste

Bihotzek bat baitute,

Nundik ez elgar maita ?

 

2 – Gu gaitu Kristok hazi,

Jainkoaz gaiten bizi.

Eskaini Gorputzean

Grazia dauku eman,

Jainkoaz gaiten bizi.

 

3 – Ogia gozatzean,

Bat gaiten denak izan.

Orotan sar dezagun

Maitasun, anaitasun,

Bat gaiten denak izan.

 

4 – Zeruko edaria,

Bihotzak bozkaria !

Deneri eman indar,

Kurutze bidean kar :

Bihotzak bozkaria !

 

5 – Edari saindu horri

Dario poz-iturri.

Odola edan eta,

Dugula maitez kanta,

Gozatuz poz-iturri.

 

 

l – Jauna, biziaren iturria,

Gizon xumeen moldatzailea,

Heien baitan dena argi baita,

 

 

2 – Behar orduetan hor baitzare,

Bihotz urratuen laguntzaile,

Denen sokorri, bizi emaile,

 

 

3 – Eman daukuzu Kristo janari,

Mundu hau osoki dadin berri,

Izan gaitezen zure iduri.

 

1 – Hemen zaude, Jesus ona, aldarean,

Bizi nahiz beti nere bihotzean.

 

2 – Zorionik ez diteke zutan baizik ;

Zato, Jauna, ez joan nihoiz nere ganik.

 

3 – Haurtxoak maite-maite du bere ama…

Nik miletan maiteago Jesus Jauna.

 

 

1 – Ihintzik ez denean lorettoak

Laster gelditzen dire ihartuak :

Zatozkit, ez nezan hil zu gabeak.

 

2 – Nere ganik hain urrun zu egoki,

Ezin ninteke, Jesus, hemen bizi,

Zure beha gau-egun nago beti.

 

3 – Artzain maitagarria, ene Jesus,

Zure artalde hortan har nezazu ;

Elgarrekin gaitezen ni eta zu.

 

 

1 – Zer zorion ! Oi hau da fagorea !

Horra, horra zeruko Jainkoa.

Jautsia da gure aldaretarat

Gure gatik sakrifikatzerat.

 

2 – Sinesten dut, ene Salbatzailea,

Zu zarela ostian emana.

Zeruetan Jainko zaren bezala

Majestatez guzia betea.

 

3 – Jesus ona, saindutasuna bera,

Nola izan ni zure egoitza ?

Nola beraz, bekatore trixtea,

Errezebi ene Jaun handia ?

 

4 – Zuri beha emaiten naiz ahuspez,

Urrikitan ene bekatuez ;

Aitortzen dut errebel bat naizela,

Orroit zaite Aita zaitudala.

 

5 – Hasi nahi naiz zuretzat bizitzen,

Betikotzat nitzautzu emaiten.

Erre zazu beraz ene arima

Amodioz zuretzat, Jaun ona

 

 

1 – Dugun aipa Gorputz hunen misterio handia,

Eta Odol sainduaren indar salbagarria,

Lurrekoak salba diten, Jainkoak ixuria.

 

2 – Eman zaiku, sortu zaiku, Ama hartuz Maria.

Mundu huntan hedatu du bere hitzen hazia ;

Itzultzean utzi dauku Sakramendu handia.

 

3 – Azken gauan egin zuen, anaiekin afari :

Jan moldean osoki zen jarraiki Legeari ;

Gero bera eskaini zen Hamabien janari.

 

4 – Jainko hitzak  hitz batez du Gorputz egin ogia,

Arno hutsa Odol saindu du bilakarazia.

Dudetarik fedeak du zaintzen bihotz garbia.

 

 

1 – Eskerrik asko, Jauna, gutan zaudelako

eta zure biziaz bizi garelako.

 

2 – Zure hitzen gozotan, zu gure gidari,

ogi eta arnotan zu gure janari.

 

3 – Erakutsi daukuzu zure maitasuna,

ta maitasun bidea den zuzentasuna.

 

4 – Zu zaitugu artzaina, gu zure artalde,

gure bihotzak beti behartsuen alde.

 

5 – Zure gisara, Jauna, gaitezen ibili,

Zure gisara, Jauna, on eginez beti.

 

 

 

1 – Gure bihotza gainezka jartzen duzu pozez, Jauna,

Ta sortzen gure artean zugandiko maitasuna.

Harrigarria, egitan, gu baitan egin duzuna,

Handia zira, handia, handia, guzialduna.

 

 

2 – Eskerrak zuri kantari, eskerrak bihotz bihotzez,

Bete gaitutzulakotz gu zure Jainko ontasunez.

Eskerrak gure artean zaudelakotz on eginez,

Ta zer egin behar dugun erakusten zure hitzez.

 

3 – Gosez bizi den anaiak eskatzen dauku janari,

Ta egarriz bizi denak eskatzen dauku edari,

Zuzentasunez lagunduz beti gure anaiari

Bizi gaitezela, Jauna, munduan zerbitzari.

 

1 – Erakasle on eta argia, zu zaitugu gure egia,

Zure hitzez eta zurekin, Jesus, egin dugu oparia.

 

2 – Zure gorputza eta odola janari ta edaria,

Zu zaitugu, Jesus, gure lagun, indar eta bizia.

 

3 – Zu zaitugu, Jesus, gure lagun, indarra eta bizia,

Zure gisara egin nai dugu egiten dugun guzia.

 

4 – Zure gisara egin nahi dugu egiten dugun guzia,

Gure anaia beti maitatu, haren alde eman bizia.

 

1 – “Ni naiz ogi bizia, zerutik jautsia.

Ogi hunek hazia bizi da betiko.”

Gaurko mundu berriko zer altxa-garria !

“Ni naiz ogi bizia, zerutik jautsia.”

 

2 – Azken gauan da Jauna hazkurri egina.

Lagunentzat zer mina bai eta zer poza !

“Hau da nere Gorputza, zuentzat emana.”

Azken gauan da Jauna hazkurri egina.

 

3 – Jainkoaren egoitza da gure bihotza.

Beldur gabe gabiltza, Kristotuz mundua.

Gutan bai zerua, gutan da Eliza.

Jainkoaren egoitza da gure bihotza.

 

1 – Ogi sainduaz jos gaitzala gaur zure bihotzak elgarri :

Bilaka gaiten herritarrentzat goiko maitasun iturri.

 

2 – Anaien maitez, egin zare zu sinestearen hazkurri,

Eta munduan etsitzen duten bihotz histuen pizgarri.

 

3 – Kurutzeraino zu joan zaituen amodioaz gu bete :

Bai zuri eta lurrekoeri gauden emanak hil arte.

 

4 – Eukariztiaz etor gu baitan eta gurekin har zaite :

Ikus dezaten zenbat  ditutzun guk maitatuak Zuk maite.

 

5 – Fede urratsez bagabiltza gu goiko zorion erreiten,

Mundu huntako minen artetik denak zerurat hel gaiten.

 

1 – O Jesus ona, nere bihotza, izan dadila, zure egoitza

 

2 – Zure dohainak nasaiki eman, gure bihotzak gaur bete ditzan

 

3 – Gure Elizan, zuk argi eman, zure lekuko nahi dugu izan

 

1 – Jaunaren orroitmenez ogia hausten dugu,

Jaunaren orroitmenez dezagun partekatu.

 

Bake dugula han iturri.   (2)

 

2 – Jaunaren orroitmenez Haren gorputz baigira,

Jaunaren orroitmenez eman-gai bilaka.

 

3 – Jaunaren orroitmenez odol emaile baita,

Jaunaren orroitmenez guk besterik ez goaita.

 

4 – Jaunaren orroitmenez ogia osorik hauts,

Jaunaren orroitmenez beharduna ez errauts.