1 – Zuk egina da mundua, zuk lurra eta zerua

Zuk egina da mundua, eta amaren musua.

 

2 – Zuk piztua da bizia, zuk iduzkian argia.

Zuk piztua da bizia, eta begian irria.

 

3 – Zuk emana dut guzia, odola eta grazia,

Zuk emana dut guzia, zuk bizitzeko lehia.

 

4 – Zuk sortua dut bihotza, bai arima, bai gorputza.

Zuk sortua dut bihotza, zuk nahiz hartan egoitza.

 

5 – Zuk egina da eguna, bai goiza, bai gau iluna.

Zuk egina da eguna, zure dadila den dena.

 

1 – Elorri beltzen artetik ere

Zerurat dago lorea.

Ez gaiten nehoiz debruak bere

Har gure bihotz barnea.

 

2 – Arrunt berdinik ez da bi lore

Bakotxa paregabea.

Agian denak eginen gire

Jaunak amestu lorea.

 

3 – Hil eta ere bilduko gire

Agian denak zeruan

Han Jesusekin han betiere

Oi Ama, zure ondoan.

 

1 – Zure begitartea, Jesus nere maitea,

Zure begitartea, nun ote da gordea ?

 

2 – Zure begitartea dena zeruz betea.

Zure begitartea nun ote da gordea ?

 

3 – Zure begitartea, denen argitzailea

Zure begitartea nun ote da gordea ?

 

4 – Zure begitartea, zure begi dirdira,

Zure begitartea, ager neri begira.

 

1 – Zato Jesus, ogi bizia, bete nere bihotz guzia

Zu bihotzean, eman dezadan argi denetan,

 

2 – … Zu bihotzean egin dezadan otoitz eta lan …

 

3 – …Zu bihotzean airos nabilan zeru bidean …

 

1 – Bortz mila gizonen  haztekoa

Nun ote mortuan atxeman ?

Hor zagon haatik mutikoa

Bortz ogi, bi arrain eskutan.

 

2 – Haurraren bortz ogi, bi arrainak

Ekarri zituzten Kristori.

Ai ! bainan, haz ziten doi bat denak,

Zer zuten bortz milek, zer hori ?

 

3 – « Jar-araz-kitzue belarrean,

Bortz milek dezaten denek jan. »

Eskerrak zituen Kristok eman

Ogia partitzen hastean.

 

4 – Kristoren eskutik izan zuten

Guziek jaterat ausarki :

Hortakotz mutiko ttikiaren

 

1 – Nik egin gaizkiak Jesusek badazki

harek zer ongiak eta nik maiz gaizki.

 

2 – Kurutze gainean da Jesus egoki.

Ai nundik ez izan gaizkiez urriki ?

 

3 – Gu gatik baditu Jesusek zauriak,

Oi Jesus barkatu nik egin gaizkiak.

 

 

1 – Itsu bat itsu jarririk zen egoki.

Egin zuen oihu : Jesus eman argi !

Jaunak eskuz hunki eta sendo zen jeiki.

 

2 – Guk noiz baitugu gal-ordu, gal-irrisku

Egin laster oihu : Jesus eman esku !

Dei orduko zaiku etorriko amultsu.

 

3 – Heda eskua haur hilaren gainean :

Otoi, sendatua jauzi egin dezan.

Berriz dagon xutik, hartu zuen eskutik.

 

4 – Kasik itoa Petri lazten hasi da.

« Fede ttipikoa, zeren gatik duda ? »

Zion Jaunak erran, eskua luzatzean.

 

1 – O Jesus, dugun beti bihotzean fede,

guzien gatik gauden zure adixkide

zu lagun gaiten oro igan zeru alde.

 

2 – Zurekin dabilanak ez du ilunberik :

oren beltzetan ere ez du etsitzerik,

ikusten baitzaitu zu gu maitez zaurturik.

 

3 – Gure bihotzak beude beti zuk piztuak,

ez gaitzan handitzean, lilura munduak,

ez eta, itsuturik, lerraraz debruak.

 

Ezta nihor Jauna.

 

1 – Nere begiak, Zuri Jauna,

nere bihotza, Zuri Jauna,

nere eskuak, Zuri Jauna.

 

2 – Itsas mendiak, Zuri Jauna,

Zeru zabala, Zuri Jauna,

Mundu guzia, Zuri Jauna.

 

3 – Jenden irriak, Zuri Jauna,

lanak, urratsak, Zuri Jauna,

oihu, nigarrak, Zuri Jauna.

 

4 – Gure etxeak, Zuri Jauna,

gure herriak, Zuri Jauna,

gure elizak, Zuri Jauna.

 

5 – Gure ametsak, Zuri Jauna,

gure otoitzak, Zuri Jauna,

gure biziak, Zuri Jauna.

 

1 – Jerikon (2) bide bazterrean

eske zagon gizon bat itsua.

Jerikon (2) Jesus entzutean

bota zion itsuak oihuak :

 

 

2 – Jerikon (2) denak erasian

bazoazkon : oi ixil zadin !

Jerikon (2) Jaunak adi zezan

deika zagon dei egin ahala :

 

3 – Bartime (2) zato xuti zaite,

har kuraie : galdatzen zaitu zu.

Bartime (2) joan zen jauzi batez,

berritz ere eginez dei, oihu :

 

 

1 – Jainkoa gizon egin da

Egin gaiten hartan Jainko

Ilunbetarik jautsi da

Mundukoen argitzeko.

 

 

2 – Onartu duten guziak

Jainkoaren seme dire.

Zerutik jautsi bizia

Dugun beraz orai gure.

 

3 – Jaunari barnez emanak,

dugu beti bizi gogo :

Bilaka dadin mundua

gero eta kristauago.

 

4 – Goresmen Jainko Aitari !

Aintza Jainko Semeari !

Denak bat gauden kantari

Izpiritu Sainduari.

 

 

 

1 – Zoin goxo denak elgarrekin,

Dezagun denek otoitz egin

Denek elgarrekin.

 

2 – Jesus gure anai zira zu,

Zurekin bizi nahi dugu

Jesus gu zurekin.

 

3 – Elgarri baginu barkatzen,

Elgarrekin denek kantatzen

Denek elgarrekin.

 

1 – Begien biziak  nola egiten ditu ilunak

Begien biziak gezurretik jalitzen egia,

Begien biziak nola agertzen du maitasuna,

Begien bizia, zu, Jauna.

 

2 – Begien argia, xoratuz dabil, mundu ederraz,

Begien argia hauts-petikan jalitzen pindarrak,

Begien argia, guk ikusten Ebanjelioa

Begien argia, zu, Jauna.

 

3 – Begien bideak zabaltzen ditu gure urratsak

Begien bideak, muga ororen hauts-errautsleak,

Begien bideak, zeru ate idekitzailea

Begien bidea, zu, Jauna.

 

1 – Kolore guzietako haurrak munduan bagira

Xuri, hori edo beltzak, denak berdinak ez gira

Bainan ikusiko duzu urbildik jarriz begira

Segeretu beren jabe gure begien dirdira.

 

2 – Jende haundia lasterka, zeren ondotik dabila

Zergatik kanporat joan, zutan duzunaren bila

Jende haundia ez pentsa, zure baitan dela hila

Zorion iturria den haurren aberri ixila.

 

3 – Mundu huntako bizia ez da denentzat berdina

Sortu orduko ainitzek sendi gosearen mina

Oihuz gaude gaur zueri noiz izanen da egina

Edozoin haurren amentsa izan dadien urdina.

 

4 – Gure Aita eta Ama nahi dauzuegu erran

Nahi ginukela zuer musu bero bat gaur eman

Zorionaren haizeak har gaitzala ta ereman

Maitasuna betiko den Jainkoaren erresuman.

 

1 – Jaunak bihotzean eman daut argia

Kantuz pitz dezadan denetan ongia.

 

2 – Ni naiz dio Jaunak, munduko argia,

Ibil ongi denak pizteko bizia.

 

3 – Argi seme izan denak bat abia,

Elgar maitatzean zerurat lehia.

 

 

1 – Zur’izena da saindua

ederra zur’erreinua,

neretzat zure nahia

beti da ezin hobia.

 

2 – Emaguzu ogi ona

bizitzeko behar dena.

Egunean eguneko,

gorputz eta arimako !

 

3 – Barka otoi gure zorrak

oro gira hobendunak,

Eta lagun zuk bezala,

guk barkatzen berehala.

 

4 – Zure haurrak tentaldirat,

otoi ez utz erortzerat.

Bainan gaitzetik begira,

denak ahulak baigira.

 

1 – Aberatsa bainan ttipittoa

Zen Zakeo zerga etxekoa,

Nor zen Jesus jakin nahi baitzen

Pikondorat igan zen !

 

 

2 – Pikondorat zelarik hurbildu,

Goiti zuen Jesusek behatu,

Ikusirik gizon bat gain hartan,

erran zion segidan :

 

 

3 – Jesus, huna, bihurtuko ditut

Ontasunen erdiak pobreri,

Ta norbeiti makur egin badut,

Batentzat lau nasaiki !

 

 

4 – Egun hunat salbamena jin da

Etorria bainaiz galdu dena

Bilatzerat ez kondenatzerat,

Guzien salbatzerat !

 

 

1. Zuk eginak iduzki, zeru ta izarrak,

Arrain xori, abere, lore ta belarrak,

Gizonaren bizian, on eta beharrak,

Zure dohain hoientzat, gu denen eskerrak.

 

2. Egin duzu gizona zure idurira,

Izpiritu ta bihotz gorputzaz gainera,

Gizonaren bizia da zure ardura,

Amodio bidetik hel dadin zerura.

 

3. Mendez mende zuk duzu argitu gizona,

Gose, gerla, desterru, pairatzen zagona,

Batetara bildurik bakarka zoana

Amodioz hitzeman zure berri ona.

 

4. Jesusekin bete ta zuk egin agintza

Zuzenean ekarri dauku zure hitza

Amodio bidean gidatu bihotza

Ilunbeak argitu, sortu esperantza.

 

5. Orai gure bizian leial Argiari

Behar dugu jarraiki zure mezulari

Begi eta laguntza eman ahulari

Fedearen lekuko bertzen zerbitzari.

 

1 – Xoriak iduri, bidean kantari kantari.

2 – Begiak iduzki iduzki, airoski ibilki ibilki.

3 – Eskuak elagrri elgarri, guzien pizgarri pizgarri.

4 – Geroa zoin urdin zoin urdin,

5 – Jainkoa gurekin gurekin.

1 – Aitari galdeginik etxeko partea

Libertitzerat joan zen mutiko gaztea.

Dena jan zueneko, sartu gosetea,

Gogoratu zitzaion aitaren etxea.

 

2 – Gosean hil urrana, zion bere baitan

Huna nere aitari zer erranen diotan :

« Semearen itzala galdua dut zutan,

Har ni sehi bezala zure etxe hortan «.

 

3 – Ikusi zuenean aitak urrunetik,

Biderat joan zitzaion lasterka airosik

Eta bere semea, lepotik harturik,

Musuz estali zuen, bihotza hurturik.

 

4 – Orduan zuen eman sehier ordena :

« Jauntz-ozue soineko daiken ederrena,

Ezarri erraztuna, oinetako fina,

Ekar hunat eta hil aratxe gizena.»

 

Bai eskerrak eman zeru lurretan,

Eskerrak eman Jainkoari

Gure onetan baita denetan ari

Eskerrak eman zeru lurretan

Eskerrak Jainkoari menderen mendetan

 

 

 

Eskerrak eman, menderen mendetan

Eskerrak eman Jainko Jaunari.

Eskerrak eman Jaunari, eskerrak eman,

Eskerrak eman Jainko Jaunari.

Eskerrak eman Jaunari,

Eskerrak eman Jaunari.

Eskerrak eman Jaunari, eskerrak eman.

Eskerrak eman Jaunari, eskerrak eman,

Eskerrak eman Jainko Jaunari.

 

Dena zu, dena zu, dena zu iduri (bis)

 

1 – Gizona kantari, dena zu iduri,

Gizona dantzari, dena zu iduri.

 

2 – Gizonak begia zoin duen argia !

Gizonak irria zoin maitagarria.

 

3 – Ona den gizona dena zu da Jauna !

Ona den gizona dena zu da Jauna !

 

4 – Gizona lanean, Jauna, zu bezala.

Gizona lurrean, zu gana dabila.

 

5 – Gizona zurekin dadila bat egin.

Gizona zurekin zerurat hel dadin.

 

Gurekin da beti Jesus. (2)

 

1 – Haur ttipien irriñoa,

hor dugu Jesus,

Hil-urbilen behakoan,

hor dugu Jesus.

 

2 – Etxekoen bihotzetan,

hor dugu Jesus,

behardunak laguntzean,

hor dugu Jesus.

 

3 – Bertzen minak eztitzean,

hor dugu Jesus,

lan orduan, otoitzean,

hor dugu Jesus.

 

4 – Goiz argian, iluntzean,

hor dugu Jesus,

loan eta gau hotzean,

hor dugu Jesus.

 

5 – Denek elgar maitatzean,

hor dugu Jesus,

Elgarrekin kantatzean,

hor dugu Jesus.

 

 

1 – Denak bakean, denak batean,

Jauna, zu ganat gabiltza.

Goiti deraman zure argia,

Jauna, zu ganat gabiltza.

 

2 – Otoitz kartsutan eta lanez lan,

Jauna, zu ganat gabiltza.

Gure atsegin atseginekin,

Jauna, zu ganat gabiltza.

 

3 – Zure sainduek hartu bidean,

Jauna, zu ganat gabiltza.

Mahain beretik dugun jan edan,

Jauna, zu ganat gabiltza.

 

4 – Beldurrik gabe, burua gora

Jauna, zu ganat gabiltza.

Minen artetik zure begira

Jauna, zu ganat gabiltza.

 

1 – Kristo dut argi, Kristo dut ogi.

Kristo dut lagun, gau eta egun.

 

2 – Kristo dut gozo, hari naiz mintzo,

Kristo dut bide zeruko alde.

 

3 – Kristo dut izar, su eta indar.

Kristo dut pesta, denek bat kanta.

 

 

1 -Zuk egina da bizia

Ikusi duzu bizia

 

2 – Zuk egina da argia (a)

Ikusi duzu argia (b)

 

3 – Zuk egina da zerua (a)

Ikusi duzu zerua (b)

 

4 – Zuk egina da mundua (a)

Ikusi duzu mundua (b)

 

5 – Zuk egina da dena (a)

Ikusi duzu den dena (b)

 

6 – Zuk egina da gizona (a)

Ikusi duzu gizona (b)

 

Bizirik da Kristo Jauna. (bis)

 

1 – Baztertua da harria,

Hutsa da hutsa hobia,

Hil mihisea berex ezarria,

Piztu da Kristo ! Alleluia !

 

2 – Baratze zaina iduri,

Mintzo da Madalenari

Eginez hura Bazko mezulari :

Piztu da Kristo ! Alleluia !

 

3 – Apostoluak ikaran

Gakotu eta jatean,

Jeiki da Jesus lagunen artean :

Piztu da Kristo ! Alleluia !

 

4 – Huna Jaunaren eguna,

Apain dezagun mahaina,

Gure arterat jauts dadien Jauna :

Piztu da Kristo ! Alleluia !