1 – Munduaren deiak entzun,

otoi, gu ganat beha :

Zu gure Salbatzailea :

Lur guzirat gu bidez heda fedea :

 

2 – Gizon guzien Aita :

Zuk pairatuaz orroitu eta :

Guziek dezagun elgar maita :

 

3 – Lurretik zuri oihuz gaude :

Jar, otoi, beti gure alde :

Argi Eliza mendez-mende :

Bai bihotzaren erditik dezagun kanta gogotik. (bis)

 

1 – Dezagun kanta gogotik :

Gaiten guziak bozkaria.

Gure salbatzea gatik,

Jesus, eman duzu bizia.

 

2 – Dezagun kanta gogotik :

Zure odol preziatua

Ixuri duzu gu-gatik :

Zaite, o Jesus, laudatua.

 

3 – Dezagun kanta gogotik :

Beti zaitugu laudatuko,

Gauza guzien gainetik,

Jesus, zaitugu maitatuko.

 

1 – Jainkoaren Hitza

Dadin guri mintza.

 

2 – Guzien emaitza

Dadin bilaka Kristoren eskaintza.

 

3 – Ogi bera denek janez,

Denak gauden bat bihotzez.

 

Dela benedikatü zelü gorenian,

Maithatü, adoratü ostia saintian !

Hari gure bihotzak bizian, hilian,

Harenak izateko eternitatian.

 

Zuri ere, Maria, gure uhuriak !

Zuri amodiua, zouri esker hunak !

Gomendatzen deitzügü bai gure büriak,

Bai gure etxekuak et’adixkidiak.

 

1 – Artzain ona mortuz mortu dabila,

Galdua den ardiaren bila..

Goazen deika, Jesus Jauna bezala :

Artalderat denak doatzila.

2 – Zenbat gazte argi bila dabiltzan,

 Ez jakinez nola nun zer izan…

 Sar ditela gurekilan Elizan,

 Jesu Kristok argiz bete ditzan.

 

3 – Bekatuak zoin maiz ari dituen

     Batasunak, familiak hausten…

     Denek berriz batetara gaitezen,

     Dugun ezar Jesu Kristo lehen.

 

4 – Bazterretan zenbat herra den sortu :

     Haurrideak etsai egin ditu :

     Hastiatuz, ez elgarri egin tu ;

     Elgar maitez, denek egin kantu.

1- Zu gure maisu zaitugu,

zu gure gidari,

zure hitza guretzat

indar eta argi.

 

2 – Zure hitzez berriztatzen

guk zure opari,

zure hitzez bihurtzen

zu gure janari

 

3 – Maitasunezkoa dugu,

Jauna, zure hitza,

zu zaitugu egia,

bidea, bizitza.

 

 

1 – Entzun dezagun apaltasunez,

Entzun dezagun Jaunaren hitza,

Haren hitzetan gure argia,

Gure indarra, gure bizitza.

 

2 – Gurekin dugu, maisu ta lagun,

Gurekin dugu, gurekin Jauna,

Egin dezagun zuzentasunez

Ta maitasunez harek errana.

 

3 – Zuzentasunez egin dezagun

Maitasun bide zabal argia,

Gure anaiak lagunduz beti,

emanez eskua ta ogia.

 

1 – Jaun ta Salbatzaile, zu nor zaren

Nork nau zuhauk baizik, argituren.

Jaun ta Salbatzaile, Jaun bai zeru-lurren

Bai zu zaitut, Jesus, nik sinesten.

 

2 – Gu hain maitez Jesus jin zen-eta

Zer du Berri Ona, mintzo baita :

“ Hel, hel zeruari, han da zuen Aita,

Haur hok maita Jauna, elgar maita. ”

 

3 – Lur hau askorentzat zoin den latza.

Hanbat etsimendu, hanbat lotsa !

Zu bait zaude Jainko on eta aberatsa

Zu, Jaun ona, zaitut esperantza.

 

4 – Ni har, otoi, Jesus, har ni hurbil

Har ni zerbitzari, ni har mutil.

Zuk dei egin-eta, nun ba ihes ibil ?

Nun den Erreinua, han bai gu bil.

 

1 – Zure ganat gaiten gu joan,

Abraham joan bezala :

Sinesteak zutara gaitzan

Eman goiahala.

 

2 – Fededunak segur baitu

Zutaraino heltzea,

Nekez neke bai mortuz mortu

Goazen Zuri beha.

 

3 – Bekatutik gau eta egun

Libratzeaz egarri,

Deika gaude eman zaguzun

Bihotz-gogo berri.

 

4 – Oraidanik dugun goza

Zure begitartea,

Ilunbetan dugun bihotza

Fede suz betea.

 

5 – Gure lagun bidez bide

Dabila Maria,

Bermatzean zeruko alde

Gaiten bozkaria.

 

 

 

1 – Herrietan munduz mundu oro ari aldatzen.

Jesusek egun hau erran du : « Haurrak, beldurra ken ! » 

 

2 – Anai batzu nork ez ikus : ez jakin nori fida ?

Lagun faltan gure aiduruz, sua hor, Kristo da !

 

3 – Gazte ala adineko, Zinodo eta biltzar,

Zeruari dugun lurra jos, bide hobeak har.

 

4 – Hotzegiak ote ginen gure zaharkeriaz !

Nola Hitza berritzaile den, lurrak gu gaitu gatz.

 

5 – Zerbitzari beharretan, Elizak deia dakar :

Bakotxak eginez bere lan, barne gaitela jar.

 

6 – Familian gauden suhar oraiko molde berriz.

Jesus bera da maitasun, kar ; Kristo etxean pitz.

                        Emaguzu bakea.

 

1 – Jainkoaren Bildotsa, zure gorputza emaiten daukuzu : gure bizia !

2 – Jainkoaren Bildotsa, hiltzea garraiturik, xutitua : gure piztea !

 

1 – Sinesten dut Jainko Aita botere guzia duena baitan,

zeruaren eta lurraren kreatzailean.

 

2 – Sinesten dut Jesu Kristo, haren Seme bakar gure Jauna baitan,

Maria Birjina ganik sortua, pairatu eta ehortzia izan dena,

hiletarik piztua, Aitaren eskuinean jarria.

 

3 – Sinesten dut Izpiritu Saindua baitan,

Eliza katoliko sainduan, sainduen partaliertasunean,

bekatuen barkamenduan, haragiaren piztean, betiereko bizian.

 

 

Diren guziak, zuk eginak dituzu, Alleluia !

 

Benedikatua da Jaunaren izenean datorrena, Alleluia !

 

 

1 – Agur gorespen zuri Jaun Goiko Aitari

Zerukoak iduri, gu hemen kantari.

 

2 – Gorespen zuri ere, Jainkoaren Seme,

Ahaltsu bezain xume, Jaun eta langile.

 

3 – Izpiritu Saindua, guziz amultsua,

Bero zazu mundua, heda zure sua.